SHILINGI MILIONI 110 KUMALIZIA UJENZI WA SHULE YA MSINGI BOMA KICHAKAMIBA

Posted on: October 19th, 2022

Pichani Mh. Mkuu wa Wilaya Mkinga Kanali Maulid Hassan Surumbu akiwa kwenye Mkutano na Wananchi wa Kata ya Doda wakati wa Ziara yake ya kikazi yenye lengo la kusikiliza na kutatua kero zinazowakabili Wananchi hao.

Mh. Mkuu wa Wilaya amemuagiza Mkurugenzi wa Halamashauri kupitia kwa Afisa Elimu Msingi Wilaya Bw. Omary Mashaka wa Wilaya hiyo kabla mwaka huu wa 22/23 kuisha kuhakikisha fedha za umaliziaji wa shule hiyoo zinapatikana na madarasa yaweze kumalizika, yote haya yamefanyika ili kuepuka adha wanazokutana nazo wananfunzi hao ambayo ni kusoma kwa kupokezana.

sambamba na ziara hiyo Mkuu wa Wilaya amefanya ukaguzi kwenye ujenzi wa Shule shikizi iliyoko kwenye Kijiji cha Boma ndani inayojengwa na mfadhili ambae ni mmiliki wa hoteli ya kifahali inayojulikana kwa jina la Eagle Fish Point, amemshukuru mfadhili na kutoa maelekezo kwenye mradi huo unaoendelea ikiwa ni pamoja na kumshirikisha Eng. wa Halmashauri ili aweze kutoa maelekezo ya kitaalamu juu ya ujenzi wa majengo ya serikali.

aidha amewataka wananchi wa Kata hiyo kutoa ushirikiano kwa mkandarasi ambae ameanza ujenzi wa barabara hiyo ya Manza - Boma kiwango cha changarawe ili aweze kufanya kazi yake kwa ufanisi na ubora wa hali ya juu kwani itatusaidia kuepukana na hadha ya barabara iliyotukabili kwa muda mrefu.